<<<< MILIH TULADHA PAMBUKA >>>
Dhumateng panjenenganipun para sesepuh, pinisepuh ingkang
hanggung mastuti dhumateng pepoyaning kautaman, ingkang pantes pinundhi.
Dhumateng panjenenganipun para pangarsaning RT / RW,
ingkang satuhu dahat kinormatan, langkung-langkung panjenenganipun Bapa Dukuh
Pedukuhan Ngringin, saha Bapa Lurah, Lurah Desa Condongcatur minongko
pamomonging kawulo dasih ingkang dahat kinormatan.
Kepareng kulo sumelo atur wonten ngarso panjenengan sami,
ha gempil wekdal saha ngirangii kamardikaning penggalih anggen panjenengan sami
lelenggahan saha imbal pangandikan wontening adicara pangruktining layon
suwargi Bapa/Ibu …………… ing ri kalenggahan puniko.
Wondene wosing gati kulo marak mangarso nuninggih awit
awrat nuhoni dawuh timbalanipun para kluarga, kinen nderekaken lampahing
adicara.
.
Ingkang meniko, mangga tansah kulo derekkaken hangaturaken raos pujo puji syukur kito
wonten ngarso dalem Gusti ingkang Maha Purboningrat, Gusti ingkang Maha
Purboing Dumadi, nuninggih wonten ngarso dalem Allah SWT, injih karana agung
barokah saha sih welasanipun ingkang tansah rumentah dhumateng panjenengan
sedoyo dalasan kulo.
Ingkang salajengipun kulo tansah nyuwun lumunturing sih
samodra pangaksami panjenengan sedoyo, nuninggih hambokbilih ing mangke wonten
ceweting ukoro saha kisruhing parama sastro.
INNA LILLAAHI WA INNA ILAIHI
RAJI’UUN
Sampun murut dhumateng kasedan jati panjenenganipun Bapa
/ Ibu ………….. awit saking lantaran
nandhang yodi. Ingkang puniko saking keparengipun para kluarga badhe dipun
wonteni tata upacara sak wetawis kados ingkang sampun lumampah.
Para rawuh saha para lenggah ingkang dahat kinormatan,
Kados sampun dumugi wahyaning mongsokolo laksitaning
adicara, ingkang puniko keparengo kulo hangaturaken urut reroncening adicara.
Adicara ingkang ongko sepisan, nuninggih pambuko, ingkang
samangke kalajengaken waosan pustoko suci al Qur’an minongko adicara ingkang
ongko kaleh. Adicara ingkang ongko tigo nuninggih atur pambagyo yuwono saking
kluarga ingkang nandhang rudatin.
Adicara ingkang ongko sekawan nuninggih atur panglipur
saking para pambelo sungkowo. Lan adicara ingkang ongko gangsal nuninggih
adicara adat nuninggih susupan. Wondene minangka pugkasing adicara nuinggih
hangkating layon saking wisma dhukito.
Para rawuh, mekaten menggah urut reroncening adicara ingkang
sampun rinakit, rinanancang dening para kadang kalawangso.
Para rawuh saha para lenggah ingkang dahat kinormatan,
Jumbuh kaliyan urut reroncening adicara ingkang ongko
sepisan nuninggih pambuko, pramilo mangga tansah kulo derekaken maos do’a,
nyuwun wonten ngarsa dalem Gusti Ingkang Maha Wikan miturut agami saha
kapitadosan kito piyambak-piyambak, lan nuwun sewu dhumateng Bapa dalah Ibu
ingkang ngrasuk agami Islam mangga kulo derekaken kanthi maos basmalah.
Ndedongo kawiwitan.
>>>> BISMILLAAHIRROHAANIRROHIIM
<<<<
Matur nuwun. Sasono wicara salajengipun konjuk dhumateng
raka mas ……………. Nuninggih ingkang sinaroyo hamaosaken pustoko suci al Qur’an.
<<<< WAOSAN PUSTOKO SUCI AL
QUR’AN>>>>
Shodaqalloohul ‘adziim. Saestu leres menopo ingkang dados
firmanipun Allah, ingkang sampun cinandhi wontening pustoko suci al Qur’an.
Para rawuh, para pambelo sungkowo kakung sumawono putri
ingkang dahat kinormatan,
Nadyan raosing manah panjenenganipun Bapa / Ibu ……… ing ri kalenggahan puniko nembe bebeg, puthek,
saha bunek. Parandene keparenging sedyo badhe hangaturaken atur pambagyo
yuwono. Injih karana bebeging manah ingkang mboten saged ginambaraken wontening
mriki pramila menopo ingkang badhe dipun aturaken mboten kawiyos wijiling lesan
namung kandhek wonten samadyaning jangga. Pramilo minangka talanging basa atur
nuninggih Bapa ……………… ingkang meniko dhumateng panjenenganipun Bapa ………….. sasono wicara kulo aturaken, lan dhumateng
panjenenganipun Bapa/Ibu ………………. ,
kasuwun hanjampingi jumenengipun Bapa ………………
Nuwun.
Para rawuh, paripurno atur pambagyo harjo saking
panjenenganipun Bapa/Ibu ……………. Ingkang tinalang basa atur panjenenganipun Bapa
…………… kanthi tata, titi, titis, wijang
wijiling pangandikan sahinggo mboten wonten ingkang karempit.
Para pambelo sungkowo kakung sumawana putri ingkang dahat
kinormatan,
Adicara ingkang ongko sekawan nuninggih atur panglipur
saking para pambelo sungkowo, ingkang wonten ing titi wanci puniko kasuwun
panjenenganipun Bapa………….. kepareng hamawikili sedoyo pambelo sungkowo saha
pemerintah desa ……………. Dhumateng
panjenenganipun Bapa …………. Sasano wicara
kulo aturaken.
Para rawuh, gunging panuwun ingkang tanpa pepindan saking
para kluarga ingkang nandang rudatin dupi midangetaken atur panglipur saking
para pambelo sungkowo ingkang dipun wakili saking panjenenganipun Bapa …………….
Mugi-mugi sedoyo wau saget mahanani dhumateng para
kluarga ingkang nandang rudatin, satemah saged nindakaken kewajiban kados wingi
uni.
Para pambelo sungkowo ingkang dahat kinormatan,
Adicara ingkang angka enem nuninggih adicara susupan.
Ingkang meniko dhumateng para kadang mudho kasuwun nyamektakaken gendhogo
punarpo wonten sangajenging wismo dhukito.
<<<< MERSANI SWASONO >>>>
Para pambelo sungkowo ingkang dahat kinormatan, gendhogo punarpo
sampun kapanggul wonten sangajenging wismo dhukito, keparenging sedyo badhe
nglampahi adicara susupan. Ingkang puniko dhumateg para kluarga
kasumanggakaken.
Para pambelo sungkowo ingkang dahat kinormatan, paripurno
adicara susupan kanthi wilujeng nir ing sambekolo.
Adicara ingkang angka pitu nuninggih hangkateng layon.
Layon badhe kapethak saha kasarekaken wonten ing ……………, ingkang tebihipun
kirang langkung ……….. meter. Ingkang meniko dhumateng para pambelo sungkowo
kasuwun ndherekaken hangkateng layon dumugi …………………... Ewo semanten hambok
bilih para pambelo sungkowo nggadahi pambengan ingkang langkung wigatos lan
badhe ngersakaken kondur, saking kluarga ingkang nandhang dhukito namung saged
ngaturaken gunging panuwun saha ngaturaken sugeng kondur.
Para pambelo sungkowo ingkang dahat kinormatan,
Hangkating layon samangkeh badhe dipun pangarsani
panjenenganipun Bapa raois nuninggih Bapa ………… Ingkang puniko kulo minangka
ingkang ndherekaken lampahing adicara purwo, madyo, wasana, kathah kalepatan kulo
tansah nyuwun lumunturing sih samodra pangaksami panjenengan sami. Ing wasana
Wassalamu’alaikum Wr. Wb.
Sasono wicara salajengipun konjuk dhumateng
panjenenganipn Bapa Rois. Nuwun.
0 komentar:
Post a Comment